A alcaldesa de Santiago, Goretti Sanmartín, deu hoxe a benvida na praza do Obradoiro ao equipo do Monbus Obradoiro CAB, que estivo acompañado por membros da corporación municipal. Xunto a Sanmartín participaron as concelleiras de Dereitos e Servizos Sociais, María Rozas, e de Deportes, Pilar Lueiro. O encontro tivo lugar coincidindo coa recta final da pretemporada do club compostelán, que este venres celebrará no multiusos Fontes do Sar o I Torneo Internacional Concello de Santiago de Compostela.