InicioCULTURAA USC albergará a primeira Escola de Verán IPSA-AECPA en Ciencias Políticas

A USC albergará a primeira Escola de Verán IPSA-AECPA en Ciencias Políticas

Trátase dunha nova plataforma para o avance metodolóxico en ciencia política, xunto a destacadas iniciativas globais

Publicado o

Xornal de Compostela

Este próximo mes de setembro, a Facultade de Ciencias Políticas da Universidade de Santiago de Compostela (USC) convertirase en sede da primeira edición da Escola de Verán IPSA-AECPA. Esta escola forma parte da rede mundial de programas metodolóxicos da International Political Science Association (IPSA), que inclúe outras prestixiosas edicións realizadas na Universidade Nacional de Singapura, FLACSO-México, a Universidade de Stellenbosch en Sudáfrica e a Técnica de Oriente Medio en Turquía.

A edición de Santiago destaca por ser a primeira a nivel internacional organizada por unha asociación estatal, neste caso, a Asociación Española de Ciencia Política e da Administración (AECPA). O acordo para o desenvolvemento desta actividade formativa foi asinado este xoves no Colexio de San Xerome polo reitor da USC, Antonio López, e o presidente da AECPA, Juan Montabes Pereira.

A Escola de Verán IPSA-AECPA ofrece formación avanzada a estudantes de posgrao e académicos que desexen reforzar as súas competencias metodolóxicas. Neves Lagares Dez e Erika Jaráiz Gulías, profesoras da USC, serán as responsables de exercer a dirección e a coordinación deste importante evento educativo.

En paralelo, a Facultade de Ciencias da Educación da USC desenvolveu o proxecto de Aprendizaxe-Servizo (ApS) ‘Defender a quen defende: mulleres defensoras de dereitos’, liderado polo Grupo de Investigación da USC Terceira Xeración. A iniciativa involucrou a estudantes dos graos en Educación Social e Pedagoxía, quen traballaron en proxectos de intervención deseñados para divulgar e sensibilizar sobre a situación das defensoras de dereitos.

Os estudantes participaron na creación de proxectos educativos desenvolvidos en centros de Teo e Redondela, así como na organización duna exposición que estará dispoñible no próximo curso académico en diversos espazos da USC. Ademais, colaboraron con Haydée Castelo, unha recoñecida defensora de dereitos humanos nicaraguana vinculada á Iniciativa Mesoamericana de Mulleres Defensoras de Dereitos Humanos.

A través destas iniciativas, a USC reafirma o seu compromiso coa excelencia académica e a responsabilidade social, promovendo tanto a investigación empírica de alto nivel como a concienciación sobre cuestións críticas de dereitos humanos.

ÚLTIMAS

Unha taxa sen acordo: dúbidas, présas e falta de diálogo no modelo turístico de Santiago

Hai uns días que sabemos que a taxa turística que o Concello de Santiago...

Galicia dá un paso clave na loita contra o cancro con protonterapia

O Consello de Seguridade Nuclear (CSN) emitiu un informe favorable para autorizar o funcionamento...

Martínez Allegue reafirma que non hai bloqueo na solicitude de Santiago como zona tensionada

A conselleira de Vivenda e Planificación de Infraestruturas, María Martínez Allegue, referiuse á resposta...

Hostaleiros de Santiago reiteran o seu “rexeitamento unánime” á taxa turística

A Unión Hoteleira de Compostela (UHC) manifestou de novo o seu "rexeitamento unánime" á...

O Festival C enche Compostela de actividades culturais durante todo agosto

As rúas, parques e prazas de Santiago converteranse, do 4 ao 28 de agosto,...

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

Rosalía de Castro recibe unha emotiva homenaxe en Bonaval

Diversas autoridades renderon homenaxe neste venres 25 de xullo, Día de Galicia, á insigne...