HomeCULTURACal é a orixe da expresión compostelá “o carallo 29”?

Cal é a orixe da expresión compostelá “o carallo 29”?

A orixe da expresión remóntase á constitución canovista e está presente nas rúas de Compostela en forma de pedra

Publicado o

Por Marta Balado Simó

“O carallo 29” é unha expresión moi típica entre os galegos, utilizada en contextos coloquiais para dar por rematada unha discusión ou debate, como quen di “si, o que ti digas”. A palabra “carallo” significa pene dun xeito máis popular e o número 29 fai referencia ao artigo 29 da constitución canovista do ano 1876.

Ao parecer, o citado artigo fai referencia á ley electoral e afirma que cando, nunhas eleccións só existe un só candidato ou lista de candidatos ou cando as prazas vacantes sexan iguais ou maiores ás dos postulantes, as eleccións non se celebrarán e os gañadores serán directamente os que se presentaron ao cargo.

Durante a época da Restauración Borbónica, a práctica política do caciquismo estivo en auxe, o que impedía o correcto funcionamento da democracia. Nese contexto, no ano 1931, celebráronse eleccións municipais en Santiago de Compostela e os caciques utilizaron o artigo 29 no seu favor para, con accións ilegais, conseguir a representación única e así conseguir o goberno. Deste xeito, a poboación compostelá e sobre todo os republicanos, indignados, comezaron a chamar a denominar a ese artigo como “o carallo 29”, dun xeito despectivo. A pesar de todo isto, ¿sabías que o carallo 29 existe realmente e está presente nunha das rúas de Compostela?

Camiñando polas rúas da zona vella, ao chegar á Rúa Travesa, na súa intersección ca Rúa de San Bieito, exactamente no número 29, atopamos unha pedra con forma fálica que recibe o nome de “o carallo 29”.

Por último, existen outras teorías sobre a orixe desta expresión. Segundo o Arquivo da Deputación de Pontevedra, este dito remóntase á época do foro, onde unha institución lle cedía o uso dunha terra a outra a cambio do cumprimento dunha condicións previamente estipuladas. Dentro da lexislatura, existía un artigo que levaba o nome de O carallo 29 e a importancia do foro en Galicia, que recolle que “a duración destes contratos agrario – dende o principio, moi longa -, fixouse por vidas de 3 voces – vidas de foreiros – ou de 3 reis e 29 anos”. A partir de aí, a expresión foise popularizando e chegou ata os nosos tempos.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

LEAVE A REPLY

Please enter your comment!
Please enter your name here