HomeCULTURACompostela acolle a VI Edición do FunFunFun, unha cita clave para a...

Compostela acolle a VI Edición do FunFunFun, unha cita clave para a autoedición e banda deseñada independente

Xornadas académicas e obradoiros creativos destacan nunha semana de cultura gráfica e intercambio artístico

Publicado o

Por Xornal de Compostela

A cidade de Santiago de Compostela prepara o escenario para a VI Edición do FunFunFun, un evento que se consolidou como unha das referencias da primavera na área da autoedición e banda deseñada independente. O festival, que terá lugar os días 4 e 8 de xuño, congregará a creadores e artistas gráficos nunha feira de fanzines e outras manifestacións da autoedición.

O primeiro día, 4 de xuño, estará dedicado ás FUNkadémicas, xornadas que se desenvolverán na Facultade de Xeografía e Historia da USC. Este espazo de reflexión contará con palestras e mesas de debate sobre fanzines e autoedición, con ponentes da Universidade de Santiago de Compostela e da Universidade do Porto. As discusións explorarán as dinámicas dos colectivos independentes e o intercambio de producións gráficas entre Galiza e Portugal, unha colaboración que xorde do grupo de investigación IDEAHS do Departamento de Historia da Arte da USC.

O 8 de xuño, as actividades arrincarán ás 10:00 horas co FunFunLab, outra das novidades desta edición. Serán impartidos tres obradoiros creativos: un de gráfica por Dani Xove e Maru Astray, un obradoiro de fotografía estenopeica a cargo do Club de Foto da Facultade de Ciencias da Comunicación, e un Retiro Audiovisual Exprés por Bruno Arias. Os interesados en participar nestes talleres deben inscribirse previamente no correo electrónico funfunlabs@funfunfun.gal.

Ademais, ao longo do día, os asistentes poderán visitar a feira de fanzines, onde diversos autores, autoras e colectivos exhibirán e venderán as súas obras. O evento estará amenizado por sesións de DJ con Ningún Dj pola mañá e Meriwlson pola tarde. Ás 14:00 horas, terá lugar a performance-presentación do fanzine El Delicioso por Maru Astray e Cibrán, seguida da Perfomance Lobopoética de Benxa Otero e Neves Rodríguez ás 17:00 horas.

O festival pechará ás 23:00 horas no bar Camalea coa picada de Pídechas o Corpo (DJ´s). Todas as actividades son de acceso gratuito e pódense consultar en detalle na páxina web do evento: www.funfunfun.gal.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...

LEAVE A REPLY

Please enter your comment!
Please enter your name here