HomeCULTURAXosé Merelles destaca o impacto turístico do festival O Son do Camiño

Xosé Merelles destaca o impacto turístico do festival O Son do Camiño

O conselleiro de Turismo destacou o apoio constante da Xunta de Galicia á industria musical e aos grandes festivais

Publicado o

Por Xornal de Compostela

O director de Turismo de Galicia, Xosé Merelles, participou hoxe na rolda de prensa de presentación do festival O Son do Camiño xunto aos representantes das empresas promotoras, Kin Martínez e Iván Méndez, e Ramón de Meer, marketing manager de Estrella Galicia. Alí, destacou o apoio constante da Xunta de Galicia á industria musical e aos grandes festivais polo seu crecente impacto turístico.

Xosé Merelles resaltou a “alianza estratéxica” existente en Galicia entre o sector musical e o turismo, exemplificada no Son do Camiño, un “pioneiro festival” que, como recordou, a Xunta de Galicia apoia desde os seus inicios e que xa está consolidado. “Forma parte da nosa aposta por contar cunha oferta capaz de demostrar a capacidade económica do turismo”, subliñou. Neste sentido, destacou o papel do festival para que “Galicia se estea consolidando como sede de grandes espectáculos”, repercutindo directamente en hoteis, restaurantes, transporte e diversos servizos.

O director de Turismo de Galicia referiuse ao crecemento do impacto turístico da industria musical na Comunidade, citando os resultados dun estudo recente impulsado pola Asociación Galega de Empresas Musicais e a USC co apoio da Consellería de Cultura, Lingua e Xuventude a través de Agadic, que cifra o impacto global en máis de 227 millóns de euros e 3.250 empregos.

IMPACTO NO SECTOR

“Mención especial merece o efecto tractor que festivais como este e outros que se foron sucedendo nos últimos anos en Galicia teñen sobre o turismo. A asistencia a estes eventos impulsa unha demanda relevante en distintos servizos de aloxamento e transporte… un consumo adicional que xera un incremento da produción de máis de 60 millóns de euros, segundo indica o informe”, engadiu. Merelles subliñou a aposta da Xunta por seguir apoiando os festivais e espectáculos musicais, así como a boa resposta do público. Lembrou que os concertos e festivais apoiados pola Xunta contaron con case 2 millóns de participantes nos últimos dous anos, e este ano destínanse máis de 8 millóns de euros ás grandes citas.

O director valorou a calidade nacional e internacional dos artistas da edición deste ano que, unha vez máis, “permitirán a difusión da imaxe de Galicia a través do Camiño de Santiago” e o interese que suscitan é claro. Como recordou, un ano máis esgotáronse os abonos en só unhas horas. Entre os artistas destacan Green Day, Pet Shop Boys, Thirty Seconds to Mars, Tom Odell, J Balvin, Arde Bogotá, Fernadocosta, The Interrupters, Mattn, Hot Milk, Berto, Ana Mena, Carlos Ares, entre outros, cuxos nomes se poden consultar en www.osondocamino.es.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Revenidas Miúdo encherá o 28 de xullo o Monte do Gozo de música para nenos, xogos e espectáculos de maxia e monicreques

A segunda edición do festival Revenidas Miúdo encherá o vindeiro domingo, día 28 de...

Valentín García e Xosé Merelles presentan o Festival Revenidas Miúdo no Monte do Gozo

Valentín García, secretario xeral da Lingua, e Xosé Merelles, director de Turismo de Galicia,...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

LEAVE A REPLY

Please enter your comment!
Please enter your name here