InicioCULTURAO Concello propón celebrar o Día das Letras Galegas cunha campaña en...

O Concello propón celebrar o Día das Letras Galegas cunha campaña en redes que reivindica a obra de Luísa Villalta

O consistorio local convida aos veciños a compartir en redes sociais os seus lugares favoritos da capital galega, ao mesmo tempo que se pon en valor a figura do poeta homenaxeada nesta edición. Precisamente, este luns o Concello de Santiago estrea conta en Instagram, que se inaugura con esta campaña.

Publicado o

Xornal de Compostela

Con motivo do Día das Letras Galegas, o Concello de Santiago lanzou a campaña ‘Andei por Santiago/pisando estrelas’ para reivindicar a obra de Luísa Villalta. Para iso, o consistorio local convida aos veciños a compartir en redes sociais os seus lugares favoritos da capital galega, ao mesmo tempo que se pon en valor a figura do poeta homenaxeada nesta edición. Precisamente, este luns o Concello de Santiago estrea conta en Instagram, que se inaugura con esta campaña.

As persoas que suban esa fotografía entrarán nun sorteo de 10 lotes de material cultural. “É importante porque fai referencia a esa estrela tan característica de Compostela e inclúe unha reflexión que a Luísa lle gustaba especialmente, que nomeemos os sitios polos que pasamos”, afirmou a alcaldesa, Goretti Sanmartín, en rolda de prensa. Tamén explicou que o xoves 16 de maio, ás 11.00 horas, lerase unha declaración institucional aprobada no pleno. Participarán portavoces municipais e as escritoras Marga Romeu e Esperanza Mariño, que lerán fragmentos da obra de Villalta.

Ademais dese acto institucional, haberá outras actividades como paseos guiados sobre “Compostela e as orixes da lingua” con 12 paradas. Os interesados poderán anotarse a eses paseos na páxina web delingua.santiagodecompostela.gal. Tamén hai programado o espectáculo ‘Made in Galiza’, o 17 e 18 de maio, a cargo de Sarabela Teatro. Así mesmo, o Teatro Principal acollerá o evento ‘Ritos de Resistencia’, un recital “multidisciplinar” no que haberá poesía, música e imaxe, e que terá no centro a poesía de Villalta. Será o día 18 ás 20.30 horas.

Por outra banda, nos centros socioculturais haberá talleres de creación literaria. Unha iniciativa en colaboración coa Escola de Escritores e Escritoras en Lingua Galega (AELG) que conta co apoio da Deputación da Coruña. Así, a alcaldesa fixo un chamamento á poboación para que participe nestas actividades e reivindicou que o mellor que se pode facer pola lingua galega é “falala e ler a obra de escritoras e escritores”.

ÚLTIMAS

A acampada pola vivenda comeza a desmontarse no Obradoiro

A acampada pola vivenda de Santiago de Compostela iniciou a recollida e reorganización do...

Denuncian no Obradoiro que a Policía acurralou e golpeou manifestantes tras a marcha do 11N

Unha trintena de persoas concentrouse este sábado na praza do Obradoiro, en Santiago de...

Feijóo promete en Santiago que “non volverá haber corrupción” se goberna o PP en España

Alberto Núñez Feijóo comprometeuse este sábado no Multiusos Fontes do Sar a impulsar a construción...

O PSdeG apela ao voto útil nun encontro con cargos públicos da comarca de Santiago

Os candidatos socialistas Sindo Guinarte e Ana Alvite reuníronse este sábado con cargos públicos...

A Fiscalía pide 30 anos e medio de cárcere para cada un dos dous principais acusados do caso do club ‘San Lázaro II’

A sección sexta da Audiencia Provincial da Coruña, con sede en Santiago de Compostela,...

Santiago supera por primeira vez as 2.000 bolsas de comedor, material escolar e extraescolares

O Concello de Santiago concedeu 2.083 bolsas de comedor, material escolar e actividades extraescolares...

Buscas emprego na USC? A universidade anuncia 289 prazas públicas para profesorado e persoal de administración

A renovación dos cadros de persoal das universidades públicas constitúe un dos grandes retos...