InicioCULTURA(AXENDA) As mellores propostas navideñas de festas, música, teatro e máis para...

(AXENDA) As mellores propostas navideñas de festas, música, teatro e máis para gozar esta fin de semana

Santiago vístese de Nadal: un percorrido polas actividades para tódolos gustos que non podes perder!

Publicado o

Por Míriam Ferraces Fernández

FESTAS E EVENTOS

Festa do Apego: O sábado 21 de decembro, o Auditorio de Galicia acollerá a oitava edición da Festa do Apego, unha xornada de actividades culturais e educativas para nenos e nenas de 0 a 6 anos e as súas familias. A programación, que decorrerá de 12:00 a 20:00 horas, inclúe xogos, obradoiros, visitas guiadas, contacontos, teatro e música, co obxectivo de promover a socialización e a transmisión do galego na primeira infancia. Entre as propostas destacan espectáculos como A nena e o grilo camiño das cores, sesións de contacontos e a Orquestra de Malabares. A entrada é libre ata completar a capacidade en cada actividade.

Cartaz Festa do Apego – Concello de Santiago de Compostela.

 

MÚSICA 

Lusardi e Jaco: O venres 20 de decembro ás 19:30 horas, Marcelo Lusardi e Jaco ofrecerán un concerto na carpa instalada na Praza Roxa. Lusardi, cun estilo acústico influenciado polo folk, blues e americana, presentará temas cheos de emocións que reflicten a súa experiencia vital. Jaco, acompañado por Órbita Neutra, interpretará as cancións do seu EP Songs About Machines, creando paisaxes sonoras que exploran temas como a dúbida e a loita contra a idea da máquina. O evento é para todos os públicos e a entrada será libre ata completar a capacidade.

Arquivo – Praza Roxa – Xornal de Compostela

INFANTIL 

Circo de Pinocho: Do venres 20 de decembro ao sábado 4 de xaneiro, o Parque das Cancelas acolle o espectáculo ‘Circo de Pinocho’, unha proposta de Educateatro Produccions que combina números clásicos de circo co teatro musical. As funcións celebraranse en sesións de mañá e tarde, dependendo do día. As entradas teñen un prezo desde 11 euros, con descontos especiais: o venres 20 custarán 10 euros (+gastos) e os luns 23 e 30 haberá un desconto de 3 euros na sesión das 17.00 horas. O evento está dirixido a todos os públicos e as entradas poden adquirirse xa através de Ataquilla.com.

Cartaz Circo de Nadal, Pinocho – circodepinocho.gal

TEATRO

Esfínter 4: O domingo 22 de decembro, o Auditorio Abanca acollerá dúas funcións do espectáculo ‘Esfínter 4’, ás 19:00 e ás 21:30 horas. Esta comedia, protagonizada por Javier Veiga, Rober Bodegas e David Amor, ofrece 90 minutos de humor en galego, sendo unha das propostas máis esperadas destas datas. As entradas están dispoñibles desde 17,80 euros en Ataquilla.com. 

Esfínter, con Rober Bodegas, Javier Veiga e David Amor – Ataquilla.com

DEPORTE

Carreira de Papá Noel: O domingo 22 de decembro celebrarase a Carreira de Papá Noel, con saída ás 11:00 horas no Centro Comercial Cancelas e meta na Praza do Obradoiro. O evento contará con dúas modalidades, Papá Noel e Elfo, e permitirá a participación individual ou en familia nun percorrido de 4 quilómetros. A organización corre a cargo de NOKAO en colaboración co Centro Comercial Cancelas, OCA Hotels e o Concello de Santiago. O prezo de inscrición varía segundo a data de rexistro e o formato elixido para a participación. Está aberto a participantes de todas as idades.

Cartaz da Carreira Pap
a Noel – carrerapapanoelsantiago.es

ÚLTIMAS

Morre un pasaxeiro dun voo Tenerife-Notthingham que foi desviado a Santiago

Un voo que cubría a ruta Tenerife Sur-Notthingam foi desviado na tarde deste venres...

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

La M.O.D.A. actuará en Santiago o 29 de xaneiro de 2026

O grupo burgalés A Marabillosa Orquestra do Alcol (La M.O.D.A.) anunciou a súa nova xira para...

Compostela acolle as actuacións de mozos virtuosos da música clásica

O prestixioso concurso internacional de música clásica 'Goldene Note' (A Nota de Ouro), un dos...

LEAVE A REPLY

Please enter your comment!
Please enter your name here