Cineuropa entregará esta semana o recoñecemento da súa 38ª edición ao cineasta ferrolán Alberto Gracia (martes, ás 20,15 horas) e á actriz hispano-sueca Ingrid García-Jonsson (xoves, ás 20,00 horas). Ambos os actos celebraranse no Teatro Principal.
De tal forma, Cineuropa proxectará este martes ‘La Parra’, terceira longametraxe de Alberto Gracia, polo que recibiu o premio do Festival de Cinema de Rotterdamn e o Premio Alquimias da Seminci. Esta obra proxectarase por primeira vez en Galicia, pois chegará aos cinemas o 13 de decembro.
En canto a García-Jonsson, xa o xoves, Cineuropa exhibirá con motivo do galardón ‘Una ballena’, onde conta co papel protagonista desta cinta dirixida por Pablo Hernando e estreada no Festival de Sitges. No filme, a hispano-sueca interpreta a unha asasina nun mundo onde se mestura o real co fantasioso.
O festival homenaxeará tamén a outros artistas, como á realizadora brasileira Flavia Castro, que a próxima semana (o 20 de novembro) acudirá ao Teatro Principal de Santiago.
Pola súa banda, outras salas da capital galega, tales como Numax, Salón Teatro, Auditorio Abanca e Zona C, continuarán coa programación do festival ao longo desta semana.
