O envorco dun camión con bañeira este venres, á altura do lugar da Susana, na parroquia de Marrozos, provocou o corte temporal da estrada N-525. O sinistro ocorreu sobre as 12:45 horas, segundo informa o servizo de emerxencias 112.
Varias persoas alertaron ao 112 do accidente, o que motivou a mobilización inmediata dos bombeiros e da Garda Civil de Tráfico. A pesar da gravidade do envorco, o condutor puido saír polos seus propios medios do vehículo, polo que non foi necesario prestarlle asistencia médica.
A circulación na N-525 foi restablecida pouco despois, unha vez que se asegurou a zona e se retirou o camión da calzada.
