O aeroporto de Santiago xestionou unha incidencia este xoves pola mañá cando a presenza de dous cans soltos nunha área restrinxida obrigou a atrasar a aterraxe dun voo procedente de Londres. Segundo informaron fontes de Aena, o suceso ocorreu arredor das 10:00 horas, cando o persoal de handling que traballaba na zona de manobras detectou os animais.
Ao tratarse dunha zona de acceso restrinxido, o aeroporto activou o procedemento de seguridade correspondente, e o servizo de control de fauna recolleu aos cans e retirounos da área.
Para garantir a seguridade das operacións, un voo de Ryanair procedente de Londres viu retrasada a súa aterraxe uns 10 minutos ata que os animais estiveron fóra do recinto. Aterrou sen maiores complicacións.
Os técnicos do aeroporto investigan agora como os cans accederon a esta área restrinxida para evitar futuras incidencias similares.
