Unha lavandaría en Milladoiro, no municipio de Ames, rexistrou un incendio na noite do martes, un baixo comercial situado na rúa Agro do Medio.
Segundo informa o Consorcio Contra Incendios e de Salvamento A Coruña, os bombeiros do parque provincial de Boiro participaron no operativo de extinción. O lume localizouse na extracción das secadoras dunha autolavandaría.
Despois de desmontar os tubos de extracción e apagar o lume, procedeuse a comprobar a temperatura do resto de tubos, que estaban dentro dos parámetros normais. Neste operativo participaron Policía Local, Garda Civil, voluntarios de Protección Civil de Ames, GES de Brión e 061, entre outros.
