A concelleira do Partido Popular en Santiago, Nerea Barcia, manifestou a súa preocupación pola falta de desbroces e limpeza no termo municipal. Segundo Barcia, esta situación provocou que Santiago se atope nun estado de abandonosimilar a unha selva, especialmente na primeira semana de agosto, coas tarefas de roza e limpeza pendentes.
Barcia criticou ao BNG pola súa xestión dos traballos de roza, afirmando que o partido nacionalista non só demorou o inicio das tarefas, senón que tamén ocultou o calendario previsto para estas actuacións. “A situación de Santiago é un reflexo de total descoido, con maleza que tapa sinais de tráfico e dificulta a visibilidade en diversas zonas da cidade”, asegurou a edil.
A concelleira tamén destacou que a falta de mantemento afecta a diferentes áreas da cidade, desde os barrios periféricos ata o monte Pedroso, onde o perigo de lumes aumenta. Ademais, criticou que o Concello enviou advertencias a veciños sobre a limpeza das súas propiedades, mentres que o propio goberno local non cumpre coas súas obrigas.
O Partido Popular exixiu ao goberno local que tome medidas urxentes para resolver a situación e asegurou que os traballos de roza, que deberían ter comezado en abril, deberían estar xa concluídos. Barcia concluíu que a imaxe da cidade está severamente prexudicada debido á falta de mantenimiento das áreas públicas e beirarrúas.
