O conselleiro de Cultura, Lingua e Xuventude, José López Campos, visitou este luns os participantes na residencia artística ‘Efemérides 2024’, unhas xornadas que levan a cabo na Cidade da Cultura, en Santiago, ata o 3 de agosto coa participación de 65 músicos.
Tal como indicou a Xunta nun comunicado, a Banda Sinfónica Galega é unha agrupación conformada por estes artistas de entre 18 e 30 anos escollidos por mestres de recoñecido prestixio.
Esta formación terminará o sábado cun concerto ás 21.00 horas na praza central de O Gaiás, con entrada libre e gratuíta.
López Campos fixo fincapé na importancia destas formacións dentro do panorama musical galego e na celebración destas convivencias anuais que fomentan a mellora formativa das distintas especialidades de instrumentos.
