InicioPOLÍTICAO Concello abordará a taxa turística coa Xunta nunha reunión en setembro

O Concello abordará a taxa turística coa Xunta nunha reunión en setembro

Rueda considerou que "non debería de haber queixa polo trato que o Goberno galego"

Publicado o

Xornal de Compostela

A Xunta de Galicia e o Concello de Santiago reuniranse no mes de setembro para analizar a posibilidade de pór en marcha unha taxa turística na cidade, unha vez que a Administración autonómica xa recibiu a proposta por parte do Consistorio.

Na rolda de prensa posterior á reunión semanal do seu Goberno, o máximo mandatario autonómico, Alfonso Rueda, sostivo que a Xunta “por fin” recibiu a proposta de taxa turística por parte do Concello despois de “levar meses pedíndoa”.

Devandito isto, trasladou que na recepción ofrecida por parte do Concello de Santiago o pasado xoves con motivo das celebracións polo 25 de xullo, el mesmo falou coa rexedora compostelá, Goretti Sanmartín.

“Falamos de que no mes de setembro abordariamos este asunto, con independencia de que sexa unha reunión persoal ou non, creo que ao Concello o que lle interesa, e supoño que á alcaldesa tamén, é ter unha resposta da Xunta, que vai ser con bastante máis celeridade da que o Concello tardou en remitir unha documentación que lle levamos reclamando durante moito tempo”, afirmou.

Na súa intervención, Rueda considerou que “non debería de haber queixa polo trato que o Goberno galego” dá ao Concello da capital de Galicia, onde precisamente o Goberno galego ten a súa sede.

Ademais, lembrou que o aumento da achega que a Xunta destina á cidade polo Estatuto de Capitalidade, que supón “un esforzo importante unido a outros que se está facendo” o Goberno galego, “foi un dos compromisos” adquiridos na reunión coa alcaldesa o pasado mes de outubro e mantense “”. “Por tanto, os compromisos, polo menos así o entendo, están para cumprilos”, afirmou.

ÚLTIMAS

A Romaría das Flores recupera o espírito festivo no parque de Belvís con música, gastronomía e actividades para todos os públicos

O parque de Belvís converteuse este sábado nun dos epicentros das Festas da Ascensión...

O PSdeG reclama á Xunta que garanta a continuidade do máster en Matemáticas da USC

O Grupo Parlamentario Socialista presentou esta semana unha batería de iniciativas no Parlamento de...

Aprobada a liquidación do orzamento de 2024 en Ames con récord de execución en investimentos

O pleno ordinario de maio do Concello de Ames acolleu a dación de conta...

Xulgan en Santiago a tres persoas por branqueo de diñeiro procedente do narcotráfico

A Audiencia Provincial da Coruña celebrará este venres en Santiago de Compostela unha vista...

O PSdeG reclama á Xunta que garanta a continuidade do máster en Matemáticas da USC

O Grupo Parlamentario Socialista presentou esta semana unha batería de iniciativas no Parlamento de...

Verea reclama unha alianza civil para manter en Santiago a única Facultade de Medicina de Galicia

O portavoz do Partido Popular de Santiago, Borja Verea, fixo este venres un chamamento...

O PSdeG propón para o pleno do 3 de xuño unha moción contra a LGTBIfobia

O Grupo Municipal Socialista de Santiago de Compostela levará ao Pleno do vindeiro 3...