Un incendio declarado nunha cociña dun edificio de Santiago obrigou a desaloxar a tres persoas, pero ningunha delas necesitou asistencia médica. Segundo informou o 112, o lume produciuse minutos antes das 14.00 horas deste sábado na terceira planta do número 19 da rúa Frei Rosendo Salvado, que permaneceu cortada durante os labores de extinción.
Os veciños que deron a voz de alarma explicaron que o fume saía polo portal e era visible mesmo desde o edificio de en fronte. Ata o punto acudiron os Bombeiros de Santiago, a Policía Local e Urxencias Sanitarias de Galicia-061. Unha vez no lugar, os Bombeiros procederon a desaloxar aos residentes do piso afectado. Todo iso, como medida de seguridade durante os labores de extinción do incendio que comezou na cociña e estendeuse pola campá extractora e os mobles.
