Desde hoxe, no Pazo de Xelmírez pode verse unha pequena exposición que mostra varias réplicas dos instrumentos musicais que están representados no Pórtico da Gloria. Trátase dos instrumentos que portan os anciáns que o Mestre Mateo esculpiu para a gran arquivolta central do Pórtico e que reproduciron con exactitude os que se utilizaban na época. Esta perfección á hora de representalos permitiu o seu estudo, así como a recuperación da música medieval da catedral compostelá.
En este sentido, nas últimas décadas do século XX, a Fundación Barrié impulsou un proxecto de investigación que correu a cargo dos profesores López Calo e Villanueva Abelairas, da USC, que culminou nunha publicación e, a continuación, na realización do proxecto de reconstrución en madeira dos instrumentos representados no Pórtico da Gloria, parte dos cales se expoñen agora no Museo Catedral. Estes instrumentos foron utilizados, desde entón, en varios concertos de música medieval da catedral compostelá.
Os instrumentos exponse na antiga cociña do Pazo de Xelmírez e pódense visitar como parte do percorrido do museo catedralicio. Entre outros, exponse arpas, fídulas e laúdes, ademais do famoso organistrum. Un código QR permite profundizar na súa historia, así como escoitar os seus sons.
