Os Bombeiros de Santiago traballan na extinción dun lume que se iniciou nunha campá extractora nun piso situado no número 19 da rúa do Hórreo, na capital galega.
Segundo as fontes consultadas, a incidencia produciuse pasadas as 12:45 deste domingo nun domicilio do sexto piso deste edificio.
Os bombeiros confirmaron que non hai persoas afectadas e esperan avaliar a situación no interior para poder acceder. Ata o lugar tamén se desprazaron efectivos da Policía Local compostelá e da Policía Nacional.
