Unha persoa tivo que ser liberada do seu coche tras chocar contra un camión que estaba aparcado en Santiago. Despois de ser rescatada, foi trasladada en ambulancia. Tal e como informou o 112 Galicia no seu boletín informativo, o suceso ocorreu pasada a 1.00 da madrugada deste luns. Foi un particular quen alertou os servizos de emerxencia do accidente, que tivo lugar no lugar de Castiñeira Grande, en Santiago.
Ata o punto desprazáronse Urxencias Sanitarias de Galicia-061, a Garda Civil de Tráfico e os Bombeiros de Santiago, que liberaron do vehículo a persoa ferida. Finalmente, foi trasladada en ambulancia polos profesionais sanitarios.
