O Son do Camiño volve camiño do cheo absoluto. A organización do festival confirmou que se esgotaron por completo as entradas dispoñibles para a xornada do vindeiro venres 19 de xuño. Cun cartel encabezado por grandes atractivos internacionais, esta xornada colga o cartel de “non hai billetes”, sumándose ao éxito previo dos abonos de tres días, que levan semanas totalmente rematados. Deste xeito, os interesados en asistir ao macroevento do Monte do Gozo xa só teñen a opción de adquirir os últimos pases diarios dispoñibles para o xoves 18 ou o sábado 20 de xuño.
MÁXIMA PRESIÓN SOBRE O ALOXAMENTO EN SANTIAGO
Ante o ritmo vertixinoso da venda de tickets nas últimas semanas, os promotores do evento emitiron un aviso urxente para os asistentes que teñan planeado viaxar á capital galega e que aínda non reservasen onde durmir. A organización recomenda formalizar canto antes os aloxamentos na cidade para garantir a estancia durante as datas do festival, xa que a presión sobre a planta hoteleira e residencial de Santiago de Compostela é máxima.
Neste sentido, os espazos de pernocta oficiais habilitados polo propio festival tamén se atopan en situación límite. Dende a dirección avanzan que quedan xa moi poucas prazas dispoñibles nas Zonas de Descanso oficiais situadas na contorna do recinto, afectando tanto á súa modalidade estándar de acampada como ás opcións de glamping. Con esta tendencia, o festival volve camiño de revalidar cifras históricas de asistencia, consolidando un récord sen parangón:un caso de éxito único dentro do panorama musical a nivel estatal.
SERVICIO DE PRE-PULSERACIÓN EN TRES CIDADES
Co obxectivo prioritario de axilizar os fluxos de entrada ao recinto do Monte do Gozo, evitar as aglomeracións tradicionais nas primeiras xornadas e mellorar de xeito notable a experiencia do público, a dirección do festival volverá activar o demandado servizo de pre-pulseración con días de antelación.
Este mecanismo permitirá aos usuarios canxear os seus tickets dixitais ou físicos polas pulseiras oficiais antes de que arrincquen os concertos. Para maior facilidade dos asistentes de toda a comunidade, o operativo especial de recollida despregarase de forma simultánea en tres grandes urbes galegas, concretamente nos centros comerciais de El Corte Inglés situados nas cidades de Santiago de Compostela, Vigo e A Coruña.
