Dúas persoas resultaron feridas na mañá deste venres en Santiago de Compostela tras seren alcanzadas por un vehículo cando cruzaban a rúa Rosalía de Castro. O accidente produciuse pouco despois das 09:00, á altura do número 1 desta vía, segundo informaron Press fontes do 112.
De acordo coa información facilitada por testemuñas presenciais, o vehículo implicado alcanzou as dúas persoas mentres atravesaban a rúa por un paso de peóns. Tras o atropelo, o turismo acabou subindo á beirarrúa.
Ata o lugar desprazáronse efectivos da Policía Local, de Protección Civil e do 061, que prestaron asistencia ás persoas feridas. O servizo sanitario trasladou dous feridos, un deles un home de 82 anos, que foi derivado nunha ambulancia de soporte vital avanzado ao Hospital Clínico de Santiago.
