Os servizos de emerxencias traballan na extinción dun incendio declarado nunha nave en Aríns, en Santiago de Compostela. Segundo informou o 112, foron varios os particulares que alertaron sobre as 15.00 horas deste domingo ao ver arder a instalación na que detallaron que pode haber palla e advertiron da gran cantidade de fume que se estaba xerando.
A central de emerxencias deu aviso aos Bombeiros de Santiago que se atopan no punto realizando tarefas de extinción e control do lume. Ademais, solicitaron a participación da Policía Nacional e Local e de Protección Civil de Santiago de Compostela. A maiores, os medios do Servizo de Extinción de Incendios tamén se desprazaron ata o lugar.
