O corpo sen vida dun home maior foi achado nunha vivenda situada na avenida de Ferrol, en Santiago de Compostela. Fontes policiais consultadas indican que non existen signos de violencia aparentes no cadáver.
O achado mobilizou este venres a efectivos da Policía Local e a Policía Nacional da capital galega ata o inmoble, próximo ao centro da cidade. As mesmas fontes subliñan que, en base á primeira inspección do cadáver, non hai ningún elemento que sexa “de interese policial”, aínda que a causa da morte non transcendeu polo momento.
