Esta mañá, a Federación de Ateneos de Galicia homenaxeou ao capitan galego Manuel Durán Clemente, quen trala tentativa de golpe de Estado do 25 de novembro de 1975 en Portugal foi exiliado a Cuba e Angola, regresando posteriormente para ocupar diversos cargos públicos.
Os actos divídronse en dúas partes, cunha recepción institucional en primeiro lugar no Concello de Santiago por parte da alcaldesa, Goretti Sanmartín, que estivo acompañada tamén pola tenente de alcaldesa María Rozas, a concelleira do PSdeG Mercedes Rosón e a concelleira do Partido Popular Olalla Otero, ademais de polos directivos do Ateneo de Santiago Manuel López-Rivadulla e Francisco Candela e José Collazo, presidente do Ateneo de Moaña.
Posteriormente, o salón de actos Isaac Díaz Pardo do Ateneo de Santiago, sito na praza de Salvador Parga, acolleu a presentación da obra Crónicas dun insubmiso. Esta homenaxe, segundo informaron dende a propia federación de Ateneos terá continuidades os próximos días 9 e 10 de maio en varios actos nas localidades de Pazos de Borbén, lugar natal do homenaxeado, Redondela, Moaña e Cangas.
