Un accidente múltiple con tres coches implicados deixou a dúas persoas feridas en Santiago de Compostela, sendo unha delas excarcerada ao non poder saír do turismo. Segundo informa o 112, os feitos ocorreron minutos antes das 07:00 deste luns na rotonda do quilómetro 337 da N-525, na parroquia do Eixo.
Foi un particular o que alertou da existencia dun accidente con tres coches implicados, un deles envorcado. Ademais, tamén avisaba de que un condutor era incapaz de saír do vehículo. Por iso, deuse aviso ao 061, á Gorida Civil de Tráfico, aos Bombeiros e á Policía Local de Santiago. Así, os bombeiros tiveron que excarcerar ao condutor atrapado, mentres que os servizos sanitarios trasladaron aos dous feridos ao hospital Clínico.
