O Diario Oficial de Galicia (DOG) recolle na súa publicación deste martes a notificación de intento de chegar a acordo mutuo nun proceso de expropiación forzosa para a construción do ‘Eixo de mobilidade sustentable en Santiago. Tramo Milladoiro-Estación Intermodal’ en Ames e Santiago.

Así, notifícase aos propietarios interesados, cuxos intentos de notificación fallaron ou se desconece o seu domicilio, que teñen 10 días desde a publicación da notificación no Boletín Oficial do Estado (BOE) para presentarse nas oficinas do Servizo Provincial da Coruña da AXI.

Explican que o obxectivo é coñecer os detalles do intento de acordo. Se non comparecen ese prazo, a notificación considerarase efectuada ao día seguinte do vencemento.