Realizo con este artigo, a quinta entrega de comparacións do que existe na Galiza, para valorar as posibilidades que temos de mellora, nun País, gobernado nos últimos 15 anos polo PP, que entre a ineficiencia e a irresponsabilidade, perde a oportunidade de acercarnos a unha comunidade de primeiro nivel, en lugar de manternos, en moitas cousas importantes, por baixo das nosas posibilidades.
Por que Galiza, está a cola do estado e da Unión Europea, en persoal de enfermaría? O dato é do Ministerio de Sanidad. Estamos so por riba de Murcia. Temos a ratio de enfermeiras por cada 1.000 habitantes en 5,13, mentras a media do estado é de 6.28 e a media de Europa é de 8,5. Galiza precisaría 10.364 enfermeiras máis para cumprir a ratio que marca a OMS. E algo máis dramático: no ano 2023, 510 enfermeiras foron traballar fora da Galiza.
Según datos do IMSERSO: no 2024 o gasto público no País, foi de 848 € por poboación potencialmente dependente, o que nos coloca, como a terceira pior comunidade no estado en gasto por dependente. Estamos 529 € por baixo do gastado no estado, que é de 1.377 €. En canto aos datos de prazos de agarda dentro do Sistema de Atención: unha persoa galega que solicita a Dependencia, agarda 387 días ata que se lle concede o servizo ou prestación, despois de ser valorada. Somos os cuartos pior do estado que está en 330 días. A normativa fala de “non esperar máis de 180 días”. Un despropósito! Dende o 2017 a novembro do 2024, faleceron na Galiza 838 persoas que estaban pendentes de valoración e outras 5.719, morreron esperando a prestación…que tiñan concedida previamente!
Según o informe da Rede Europea de Loita contra a Pobreza e a Exclusión Social, as Pensións suben 2,8%. Na Galiza, 375.658 galegos e galegas están cobrando por baixo do limiar da pobreza. Esta cifra dí que somos os máis empobrecidos do estado! Cobran 180 € menos o mes. Na Galiza, a media é de 1.080 €. Somos os segundos piores do estado. Váia record!
Según o INE, o salario medio mensual na Galiza, en 2023, en bruto, foi de 2.136 € : estamos con 137 € menos que a media estatal que é de 2.273 €. O traballo dun/ha galego/a é menos rendible que o de outro/a traballador/a do estado. Por que?
Nos orzamentos da Xunta para o 2025, vemos que dende a Consellaría de Sanidade se aumenta o gasto en capeláns, ata os 791.000 €: 321.000 € máis que no 2024. En 2020 era de 701.000. Dende a Plataforma SOS Sanidade Pública de Compostela, consideramos “un anacronismo e algo incomprensible”.
Para saber si un gobernante é bo ou malo, valórase como e en que gasta os orrzamentos? Como nunha familia, si gastamos máis do que ingresamos: malo! Pois ben a Débeda Pública da Galiza, está en máximos históricos: alcanza os 13.083 millóns de € (casi o mesmo que TODO o orzamento para o 2025). Pero a situación é máis dramática, pois estamos pagando 180 millóns de € nos intereses desa débeda. E que fai o sr. Rueda? rexeita a quita de 2.433 millóns de € que o estado vai condonar ás CCAA. É isto lóxico? Que intereses ten o PP para este despropósito? A quen beneficia esa situación? E ísto, o fai un Presidente que endebeda a cada galego/a en 3.372 €. Terá responsabilidades esta decisión?
Por que o desemprego na Galiza, aumenta un 2%, mentras no estado español permanece estable? O desemprego na Galiza, é a terceira comunidade (pola cola) do estado, cun +1,95% cando a media está en +0,6%. O descenso de persoas afiliadas á Seguridade Social é a 5ª do estado (pola cola) cun -0,64%.
De xaneiro a xuño do 2024: 62 empresas marcharon da Galiza e situaron o seu domicilio social fora do País; son unha media de 10 empresas ao mes…incluso compañías que reciben subvencións do goberno do PP. Como é posible este mal facer?
Galiza conta con 313 concellos: como se explica que 137 deles, carezcan de Servizo de Ambulancia Medicalizada? Que teñamos para todo o País: 2 helicópteros de Soporte Vital Avanzado…e moito do tempo inoperativos por diferentes motivos. O BNG presentou esta iniciativa no Parlamento para dar resposta ás necesidades de Transporte Sanitario e o PP OPÚXOSE. Como se explica?
P.S. Con esta quinta entrega, remato este ciclo de 5 artigos, onde expuxen a realidade do que sucede na Galiza, comparándonos con outros lugares e situacións… pero, sin esforzarme moito, podría encontrar motivos para outros cinco. Que pena!
