O Consello de Goberno da Universidade de Santiago de Compostela (USC) reforzado o seu cadro de cátedras institucións coa aprobación este xoves a imaxe identificativa da Cátedra Araguaney para o Diálogo entre Culturas, cuxa actividade dá os seus primeiros pasos, así como a da Cátedra Carvalho Calero. Ademais, deu luz verde á creación dunha cátedra de mobilidade sustentable coa colaboración da empresa Monbus.
Na sesión, ademais, aprobouse a proposta de candidaturas para as axudas Beatriz Galindo correspondentes á convocatoria de 2024, pendente dos informes de centro e departamentos correspondentes.
Tamén no ámbito investigador, aprobouse modificar o regulamento para a creación e funcionamento de Centros Singulares de Investigación no referido a a dirección científica. Así, adáptase ás novas formas de prestación de servizos por parte do persoal investigador e ábrese a posibilidade de que poida asumir esa dirección o persoal da USC que, estando nunha situación de excedencia no marco da LCT, estea vinculado a un centro singular da USC como investigador.
A reunión, na que se cubriron as vacantes nas comisións delegadas do Consello de Goberno, completouse con outros asuntos como a aprobación das listas de persoas que conseguiron os premios extraordinarios de grao e máster universitario do curso 2023-2024 e doutoramento de 2022-2023, a modificación da RPT de PTXAS funcionario e de persoal laboral, distintos regulamentos de traballos de fin de estudos, transferencia de coñecemento, a actualización de tarifas así como a aprobación de convenios.
