InicioSUCESOSUn incendio nunha vivenda nas Fontiñas deixa dous feridos por inhalación de...

Un incendio nunha vivenda nas Fontiñas deixa dous feridos por inhalación de fume

O lume, orixinado nunha pota ao lume, causou danos na cociña e obrigou a intervir aos servizos de emerxencias

Publicado o

Xornal de Compostela

Dúas persoas tiveron que ser trasladadas ao Complexo Hospitalario Universitario de Santiago tras un incendio na súa vivenda, situada na rúa Cotaredo, no barrio das Fontiñas, na madrugada deste luns. Segundo informou o 112, o lume, que afectou principalmente á cociña, provocou inhalación de fume en dúas das catro persoas que se atopaban no interior da casa no momento do incidente.

O aviso foi recibido pola central de emerxencias pouco despois das 5:00 horas, cando un particular alertou de que a súa vivenda estaba en chamas. De inmediato, os xestores de emerxencias mobilizaron aos Bombeiros de Santiago, a Policía Nacional e a Policía Local. Ademais, tamén se solicitou a intervención do 061, dada a gravidade da situación.

Os bombeiros determinaron que o incendio se orixinou nunha pota que quedou ao lume. As chamas danaron a campá extractora da cociña, mentres que o fume se estendeu polo resto da vivenda, causando danos adicionais.

DÚAS PERSOAS TRASLADADAS AO HOSPITAL

Dúas das persoas que se atopaban no domicilio foron evacuadas ao CHUS debido a síntomas de inhalación de fume, mentres que as outras dúas foron avaliadas no lugar pero non precisaron traslado. Segundo informaron os servizos sanitarios, as persoas afectadas atópanse estables, pero recibirán seguimento médico para descartar complicacións.

ÚLTIMAS

Óscar Antón Pérez (BNG): “Ánxel Casal foi unha figura poliédrica que resumiu as múltiples facetas do galeguismo antes do golpe do 36”

O concelleiro do BNG en Teo, Óscar Antón Pérez, participará este martes nos actos...

O PP critica as continuas avarías do ascensor de Triacastela e pide un plan de mantemento

O concelleiro do Partido Popular en Santiago, Adrián Villa, instou ao executivo municipal do...

Os incendios tamén se notan no Camiño de Santiago: cinza, fume e dificultades para respirar

Fume, cinzas que caen do ceo, tramos cortados e preocupación pola volta a casa...

Detido un menor acusado de causar varios incendios en Compostela

Un menor foi detido en Santiago de Compostela acusado de provocar varios incendios na...

Detido un menor acusado de causar varios incendios en Compostela

Un menor foi detido en Santiago de Compostela acusado de provocar varios incendios na...

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

Denunciados dous taxistas en Santiago por conducir baixo os efectos do alcol mentres levaban a pasaxeiros

A Garda Civil, a través do Subsector de Tráfico da Coruña, denunciou a dous...