InicioSANTIAGOA alcaldesa de Santiago sinala a "relación moi sólida entre o pobo...

A alcaldesa de Santiago sinala a “relación moi sólida entre o pobo galego e o palestino”

Goretti Sanmartín, xunto a membros da corporación municipal, recibiu este martes no Pazo de Raxoi ao presidente do sindicato de Xornalistas Palestino, Nasser Abu Baker, ao que quixo mostrar a "relación moi sólida entre o pobo galego e o palestino".

Publicado o

Xornal de Compostela

A alcaldesa de Santiago, Goretti Sanmartín, xunto a membros da corporación municipal, recibiu este martes no Pazo de Raxoi ao presidente do sindicato de Xornalistas Palestino, Nasser Abu Baker, ao que quixo mostrar a “relación moi sólida entre o pobo galego e o palestino”.

Así, Sanmartín lamentou que nos “grandes conflitos do mundo” existe “un intento de invisibilizar a situación”, polo que o xornalismo é “garantía de liberdade e de que se poida contar a realidade tal cal é”.

“O xornalismo é unha profesión de risco e de maneira particular en Palestina”, expresou a rexedora da capital galega antes de trasladar ao xornalista palestino toda a súa “forza” e regalarlle o libro ‘Voces galegas por Palestina’.

Pola súa banda, Nasser Abu Baker, que estivo acompañado polo presidente da Asociación de Xornalistas de Santiago, Luís Menéndez, reivindicou que apoiar a Palestina é “apoiar a xustiza”. “Necesitamos convivir, pero necesitamos xustiza”, reclamou.

Ademais, mostrou o seu orgullo por “a relación histórica entre Palestina e España” e a “forte relación con sindicatos españois de xornalistas”.

Ante a situación actual en Palestina, o xornalista desexou que “a paz chegue pronto” e agradeceu á alcaldesa e á corporación a súa “sensibilidade”.

Este mércores, Nasser Abu Baker dará unha conferencia no Hotel Araguaney de Santiago de Compostela ás 19.00 horas para expor “a loita vital pola información en tempos de guerra” e “en solidariedade cos xornalistas de Palestina”.

ÚLTIMAS

Santiago incorpora tres novas illas de compostaxe comunitaria e xa suma 15 en funcionamento

O Concello de Santiago continúa a avanzar no seu modelo de compostaxe cun total...

O Concello de Ames aproba a licitación para mellorar rúas en Bertamiráns e Ortoño

O Concello de Ames deu un novo paso no seu plan de mellora viaria...

O CiQUS crea microgotas sintéticas que replican funcións básicas das células vivas

O Centro Singular de Investigación en Química Biolóxica e Materiais Moleculares da Universidade de...

Santiago executa obras de mellora no pavimento de chapacuña en varias rúas do centro

O Concello de Santiago está a desenvolver este verán un plan de reparación e...

Óscar Antón Pérez (BNG): “Ánxel Casal foi unha figura poliédrica que resumiu as múltiples facetas do galeguismo antes do golpe do 36”

O concelleiro do BNG en Teo, Óscar Antón Pérez, participará este martes nos actos...

Sanmartín reivindica en Compostela a figura de Ánxel Casal como símbolo de compromiso e memoria

A praza do Obradoiro acolleu este luns un acto de homenaxe a Ánxel Casal,...

(VÍDEO) A Asociación de Pacientes denuncia un novo colapso nas urxencias do CHUS e sinala ata 13 pacientes graves nos corredores

A Asociación de Pacientes e Usuarios do CHUS denunciou este luns un novo episodio...