Dúas persoas resultaron feridas este mércores como consecuencia dunha colisión múltiple rexistrada en Santiago, segundo informou o CIAE 112 Galicia. O accidente ocorreu sobre as 8.45 horas na AG-56, á altura de Conxo, en sentido centro da cidade, e finalmente víronse implicados cinco vehículos.
Dúas persoas resultaron feridas e tiveron que ser atendida por profesionais de Urxencias Sanitarias 061, que trasladaron en ambulancia de soporte vital básico a un home de 22 anos, I.B.I., e a unha muller de 50 anos, S.M.P.S., ao hospital A Rosaleda. Ademais, tamén interviñeron no lugar do sinistro efectivos da Garda Civil.
