A circulación de trens entre Ourense e Santiago estivo interrompida durante case tres horas tras aparecer o corpo sen vida dun home nas vías á altura de Vedra. Concretamente, o tramo é entre O Irixo e a bifurcación da Grandeira e, actualmente, houbo tres trens de longa distancia e un Avant afectados.
Segundo detallaron fontes de Renfe a Europa Press, os pasaxeiros foron informados. A compañía estableceu un plan alternativo de transporte por estrada a Ourense para os viaxeiros do tren Avant que estaba detido en Santiago. Segundo detallaron fontes da Garda Civil, o suceso produciuse sobre as 10.46 horas deste venres cando un maquinista deu a voz de alarma. Ata punto desprazouse a Garda Civil que confirmou a presenza do corpo falecido dun home e descartou a implicación de terceiras persoas no suceso.
