A Policía Nacional detivo a un home como presunto autor dun roubo nunha xoiaría do centro de Santiago á que accedeu tras romper o cristal dunha xanela.
Segundo informou o corpo policial nun comunicado, os feitos producíronse na madrugada deste martes cando os efectivos se desprazaron ata o establecemento tras soar a alarma.
Os axentes comprobaron que estaba todo revolto e había restos de xoias e efectos no chan da vía pública. Así, coa colaboración doutras dotacións policiais, localizaron nas rúas próximas ao autor, mentres manipulaba unha caixa rexistradora.
Desta forma, procederon a detelo como presunto autor dun delito de roubo con forza. Os axentes conseguiron recuperar todas as xoias –máis de 100 pezas– e o diñeiro subtraído.
O autor do roubo, detallou a Policía Nacional, mostrou agresividade e gran resistencia na súa detención e ocasionou danos ao vehículo policial. Por iso, tamén lle imputaron delitos de resistencia e desobediencia a autoridade, así como danos.
