Con anterioridade, a Policía Nacional detivera a un home relacionado con feitos delituosos do mesmo tipo

A Policía Local de Santiago detivo a noite do sábado ao domingo a dúas persoas en relación cos roubos que se produciron nas últimas semanas en locais da capital galega. Con anterioridade, a Policía Nacional detivera a un home relacionado con feitos delituosos do mesmo tipo que se repetiron en zonas de Galeras, Santa Marta e o Ensanche. A pasada semana a subdelegada do Goberno na Coruña, María Rivas, sinalaba que os axentes traballaban coa hipótese de que serían persoas drogodependentes as que estarían detrás dos últimos roubos ocorridos en diferentes zonas da cidade.