Un motorista faleceu na mañá deste martes no municipio coruñés de Teo despois de sufrir unha saída de vía tras adiantar a un turismo. O suceso tivo lugar minutos antes das 13,00 horas no lugar de Quintáns da parroquia de Luou, segundo informou o CIAE 112 Galicia.
A voz de aviso á central de emerxencias chegou do condutor do turismo que, a través dunha chamada telefónica, aseguraba que un motorista se atopaba inconsciente tras sufrir un accidente tras pasalo e saírse da estrada.
Ao lugar desprazáronse efectivos de Urxencias Sanitarias no helicóptero medicalizado con base en Santiago, que practicaron manobras de reanimación ao motorista sen poder facer nada pola súa vida.
