Distintos efectivos participan nun operativo de busca dun veciño de Teo, de 56 anos, cuxa familia alertou da súa desaparición na xornada do mércores. O dispositivo está centrado na zona do río Ulla, con efectivos despregados na área da Estrada, segundo precisaron fontes da Garda Civil.
No operativo participa un equipo integrado por efectivos do Grupo Especial de Actividades Subacuáticas (GEAS), así como patrullas de Seguridade Cidadá, un dron e outros medios de apoio. O vehículo do desaparecido foi localizado na zona pontevedresa, o que motivou o despregamento intensivo na contorna fluvial. Por outra banda, fontes policiais confirmaron que un home de 78 anos que faltaba dunha residencia de Bembrive foi reintegrado ao centro, despois de ausentarse tras unha visita médica.
