O Hotel Congreso, no concello de Teo, acolleu este venres a entrega da quinta edición dos Premios Alfredo Iglesias, unha iniciativa impulsada por Álex Regueiro que recoñece o labor cultural e o compromiso social de persoas e entidades vencelladas a Galicia. A gala, conducida por Carlos Tresandí e coa colaboración do mago Iván Tourís, rexistrou un cheo completo.
Nesta edición foron distinguidos Paula Carballeira, Wöyza, o Museo do Pobo Galego, Tareixa Navaza, Katuxa Platero, La Central Heladera, Esther Estévez, Kiko da Silva, a Casa Museo Rosalía de Castro, Jorge Mira, Fuco Reyes, Leila Nachawati, Down Compostela, Idoia Cuesta, José Luis Míguez, Eirís Makencie, Marisa Prisa, así como Maca Reimúndez e Carmen Fernández.
Durante a cerimonia participaron representantes dos ámbitos cultural, social, político e artístico, entre eles Mercedes Queixas Zas, Mercedes Rosón, Tino Martínez, Avelino González, Ramón Castro, Ángel Currás, María Xosé Rodríguez e Juan Luis Méndez-Rojo.
Segundo se trasladou desde a organización, o acto foi producido con fondos propios e serviu como espazo de reivindicación a favor do país e da lingua galega, ademais de abordar cuestións de actualidade internacional e local. Nese contexto, Tareixa Navaza referiuse á sanidade pública e á manipulación dos medios públicos, cuestións que foron citadas durante a gala.
Un dos momentos máis destacados foi a ovación á activista Leila Nachawati, defensora dos dereitos humanos, coincidindo coa presentación da edición revisada da súa obra Cuando la revolución termime, centrada na situación de Siria.
Ademais, a organización deu a coñecer os galardóns previstos para 2027, que recaerán en Marica Campo (Escrita), Loita Amada (Música), o Consello da Cultura Galega (Acción patrimonial), Manuel Vicente de ‘Efervescencia‘ (Comunicador), o CIFP Paseo das Pontes (Moda) e A Mesa pola Normalización Lingüística (Promoción da lingua).
Completarán a relación Luis Davila (Ilustración), Paula Cabaleiro e Encarna Lago (Acción cultural), Elena Vázquez Cendón (Ciencia), Yoseba MP (Artes), o proxecto A Loita Final de Mabel Rivera e Enrique Banet (Proxecto teense do ano), Asociación Ulla Viva (Acción solidaria), Arela (Acción social), Creativas Galegas (Artesanía), Xosé Luís Bernal “Farruco” (Traxectoria) e, nos premios á memoria, Dolores Bouzón, Xosé Manuel Piñeiro e Moncho Reboiras.
