InicioSANTIAGOBRIÓNBrión celebra a tradicional ofrenda floral a Rosalía de Castro en Bastavales

Brión celebra a tradicional ofrenda floral a Rosalía de Castro en Bastavales

O acto incluíu un recital poético e o espectáculo artístico musical 'Ao son das campás de Rosalía' con Esperanza Mara

Publicado o

Xornal de Compostela

A Igrexa parroquial de San Xulián de Bastavales acolleu esta fin de semana a tradicional ofrenda floral do Concello de Brión en homenaxe a Rosalía de Castro. O evento reuniu a preto dun cento de persoas na tarde do pasado sábado e contou coa actuación artística e musical de Esperanza Mara, no espectáculo titulado ‘Ao son das campás de Rosalía’.

O acto comezou co repicar das campás de Bastavales, seguido da intervención da concelleira de Cultura, Sandy Cebral, quen recitou versos de Rosalía e agradeceu a colaboración de todas as persoas implicadas na organización do Mes de Rosalía no municipio. Durante a súa intervención, referiuse ao debate sobre se a escritora chegou realmente a escoitar as campás de Bastavales: ‘Hai quen asegura que o seu poema procede dun estribillo popular que a escritora recolleu. Outras persoas din que as coñeceu en Santiago, a través dos relatos dun sacerdote de Bastavales. Se me preguntades a min, eu penso que si que as escoitou cando era unha nena e pasaba días na casa que a súa familia tiña en Soigrexa, xusto aquí enfronte’.

O alcalde de Brión, Pablo Lago, e a concelleira de Servizos Sociais, Rosa Romero, realizaron a tradicional ofrenda floral ante a figura da escritora, un xesto ao que se sumaron moitos dos asistentes, que aproveitaron a ocasión para dar lectura a fragmentos da obra de Rosalía.

A continuación, a soprano Esperanza Mara protagonizou unha experiencia musical e artística, interpretando diferentes campás ao tempo que cantaba nove fragmentos de poemas de Rosalía de Castro. A interpretación estivo acompañada de xogos de luces e referencias visuais que evocaban as emocións da autora. O evento pechouse coa lectura do poema ‘Campanas de Bastavales’, que puxo o broche final a unha homenaxe centrada na figura da escritora galega.

ÚLTIMAS

A USC, por baixo das 500 mellores universidades do mundo

Só 10 universidades españolas sitúanse entre as 500 mellores do mundo, segundo o Ranking Académico...

O Concello reduce ao imprescindible o uso municipal da auga ante a redución continuada do caudal do Tambre

O Concello de Santiago reduciu ao imprescindible o uso municipal de auga e anima...

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

O CHUS defende o aumento de ambulancias ante as queixas

O complexo hospitalario universitario de Santiago de Compostela (CHUS) defendeu o aumento de ambulancias...

O Xeodestino Terras de Santiago publica os seus primeiros mapas turísticos para promocionar os once concellos do territorio

O Xeodestino Terras de Santiago vén de dar un paso importante na súa estratexia...

A autovía Brión-Noia, un paso máis preto: licitadas por 11,2 millóns de euros as obras para a reconversión do corredor

A Xunta licitou por 11,2 millóns de euros a execución das obras da conversión en autovía...

Reclaman unha conexión eficaz na comarca de Santiago para garantir servizos básicos e igualdade de oportunidades

A situación das infraestruturas e da conectividade na comarca de Santiago volve estar no...

LEAVE A REPLY

Please enter your comment!
Please enter your name here