HomeSANTIAGOBOQUEIXÓNBoqueixón e a Federación Galega de Espeleoloxía organizan visitas á cova do...

Boqueixón e a Federación Galega de Espeleoloxía organizan visitas á cova do Pico Sacro

Un total de 140 persoas descubrirán os segredos desta cova lendaria en 28 baixadas guiadas

Publicado o

Por Xornal de Compostela

O Concello de Boqueixón, en colaboración coa Federación Galega de Espeleoloxía, organizará un total de 28 visitas guiadas á cova do Pico Sacro durante os meses de xuño, xullo, agosto e setembro. Esta iniciativa permitirá que 140 persoas maiores de 12 anos exploraren esta emblemática cova, coñecida tanto pola súa riqueza cultural como xeolóxica.

As visitas forman parte da iniciativa “Baixadas espeleolóxicas ás covas do Pico Sacro” e serán guiadas por técnicos da Federación Galega de Espeleoloxía. Cada unha das visitas, que se celebrarán en sete sábados distintos ao longo dos catro meses, proporcionará unha experiencia segura e educativa, tal como se anunciou hoxe no propio Pico Sacro polo alcalde de Boqueixón, Ovidio Rodeiro, e polo presidente da Federación, Gonzalo Villarmea.

Rodeiro subliñou a importancia destas actividades para “poñer en valor o noso Pico Sacro e como argumento máis para que sexa declarado Ben de Interese Cultural”. O Pico Sacro, segundo o alcalde, é un dos referentes turísticos de Galicia, e estas actividades contribúen a convertelo nun punto clave para os amantes do deporte e a natureza.

Durante as visitas, que terán unha duración de 2 horas, os participantes recibirán unha formación técnica básica e descenderán polo Pozo do Pico mediante rápeles, explorando zonas da cova de relevancia histórica e xeolóxica. A saída realizarase pola Contramina de Juan Antón, completando un percorrido vertical e emocionante.

O prezo da visita guiada é de 30 euros por persoa, incluíndo o equipamento necesario, seguro de responsabilidade civil e de accidentes. Os residentes en Boqueixón e os mozos entre 12 e 18 anos beneficiaránse de tarifas reducidas.

As inscricións abriranse o luns 10 de xuño e poderán realizarse a través do correo electrónico espeleoloxia@gmail.com. Desde a organización recoméndase vestir roupa e calzado adecuados para a actividade. Para máis información, pódese consultar o sitio web da Federación Galega de Espeleoloxía ou contactar co Departamento de Emprego, Formación e Turismo de Boqueixón.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

Boqueixón acolle a ‘Maleta Viaxeira contra a Violencia de Xénero’ para fomentar a igualdade e a concienciación

A subdelegada do Goberno na Coruña, María Rivas, entregou hoxe en Boqueixón a 'Maleta...

O Concello de Boqueixón insta a Correos que manteña o servizo de tres carteiros durante o verán

O Concello de Boqueixón está a facer xestións con Correos e o Ministerio de...

O Concello de Boqueixón dá comezo ás obras para a prevención de inundacións na aldea de Pazos

O Concello de Boqueixón comezou recentemente as obras de mellora na aldea de Pazos,...

LEAVE A REPLY

Please enter your comment!
Please enter your name here