Unha persoa resultou ferida na mañá deste domingo tras un choque entre dous vehículos ocorrido no municipio de Boqueixón, na comarca de Santiago. O sinistro tivo lugar á altura do número 49 do lugar de Rubial, pertencente á parroquia de Lestedo.
Segundo a información facilitada polo 112, o aviso foi recibido arredor das 10:00, cando unha persoa particular alertou dunha colisión entre dous coches e indicou que unha das persoas implicadas presentaba molestias no peito.
Tras recibir a chamada, o centro de coordinación de emerxencias mobilizou efectivos da Guardia Civil de Tráfico, Protección Civil e dos servizos do 061.
O persoal sanitario atendeu á persoa ferida no propio lugar do accidente, sen que transcenderan máis datos sobre o seu estado nin sobre as causas concretas do sinistro. A Garda Civil fíxose cargo das dilixencias correspondentes para esclarecer o ocorrido.
