HomeSANTIAGOBOQUEIXÓNMaiores de Boqueixón participan nun curso do Concello para mellorar as súas...

Maiores de Boqueixón participan nun curso do Concello para mellorar as súas habilidades coas novas tecnoloxías

O curso gratuíto, organizado en colaboración coa Fundación Amigos de Galicia, busca promover a autonomía dixital dos maiores

Publicado o

Por Xornal de Compostela

Un total de 17 veciñas e veciños de Boqueixón están a participar nas primeiras sesións do curso ‘Uso das novas tecnoloxías na vida diaria‘, unha iniciativa organizada polo Concello de Boqueixón en colaboración coa Fundación Amigos de Galicia.

O curso foi inaugurado por José Manuel Iglesias Gómez, concelleiro de Facenda e Servizos Xerais, e Ángela Conde Leis, concelleira de Servizos Sociais e Igualdade, quen salientaron a importancia de promover un envellecemento activo e a socialización entre os maiores a través da dixitalización.

Durante as sesións, que se están a levar a cabo na biblioteca municipal, os participantes están aprendendo a manexar as súas funcionalidades básicas dos teléfonos móbiles e realizar diversas xestións online como solicitar citas médicas a través da aplicación móbil do Sergas, pedir quenda no Concello ou no Centro de saúde, sacar diñeiro nos caixeiros automáticos, e actualizar as súas libretas. Esta actividade, segun explicou Ángela Conde Leis, promove “o envellecemento activo mediante unha actividade que facilita a socialización e dixitalización dos nosos maiores”.

As clases son impartidas en horario de mañá e continuarán nas próximas semanas, con sesións programadas para os mércores 8 e 15 de maio. Estas sesións prácticas e sinxelas están deseñadas para que os participantes adquiran coñecementos útiles que mellorarán a súa calidade de vida e capacidade de xestionar as súas propias necesidades dixitais.

O Concello de Boqueixón continúa así co seu compromiso de inclusión dixital e apoio ao colectivo de maiores, proporcionándolles ferramentas necesarias para adaptarse ás demandas dixitais da sociedade actual. Con este tipo de iniciativas, Boqueixón reafirma a súa dedicación a mellorar a vida dos seus cidadáns a través da educación e a formación continua.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

O Concello de Boqueixón insta a Correos que manteña o servizo de tres carteiros durante o verán

O Concello de Boqueixón está a facer xestións con Correos e o Ministerio de...

O Concello de Boqueixón dá comezo ás obras para a prevención de inundacións na aldea de Pazos

O Concello de Boqueixón comezou recentemente as obras de mellora na aldea de Pazos,...

O Pico Sacro revive a lendaria Cerimonia do Lume Sagrado tras catro anos de ausencia

Este domingo, o Pico Sacro foi o escenario da emocionante Cerimonia do Lume Sagrado,...

LEAVE A REPLY

Please enter your comment!
Please enter your name here