O Concello de Boqueixón anunciou recenetemente a apertura de inscricións para a súa primeira excursión deste ano dentro do programa ‘Boqueixón en ruta 2024‘. A primeira visita será a Ribadavia e á comarca do Ribeiro, o próximo sábado 11 de maio. Este evento marca o comezo dunha serie de viaxes programadas que buscarán explorar a riqueza cultural e paisaxística de distintas partes de Galicia.
A excursión a Ribadavia inclúe visitas guiadas ao Casco Histórico, ao Castelo, ao Museo Etnográfico, e ao Museo do Viño, cun custo de 25 euros por persoa. As prazas son limitadas e asignaranse por orde de inscrición, que pode realizarse presencialmente no Concello ou chamando ao número 981 513 115.
Ademais de Ribadavia, o programa ‘Boqueixón en ruta 2024‘ incluirá visitas a lugar como os Canóns do Sil, a Ribeira Sacra e Castro Caldelas, en xuño; as Rías Baixas, en xullo; a Costa da Morte e Fisterra, en setembro, e as Termas de Outariz, en novembro. Tamén se ofrecerá unha saída de sendeirismo no mes de xuño que percorrerá a fermosa costa entre Laxe e Malpica.
