InicioSANTIAGOAMESVeciños de Ames acusan ao Concello de "menosprezo" polo incumprimento da lei...

Veciños de Ames acusan ao Concello de “menosprezo” polo incumprimento da lei de benestar animal

As promotoras da manifestación do 8 de setembro piden respecto e solucións fronte ás declaracións do concelleiro de Medio Ambiente

Publicado o

Xornal de Compostela

A veciñanza de Ames, que o pasado domingo 8 de setembro se manifestou para denunciar o incumprimento da lei de benestar animal, acusa ao Concello de amosar un “menosprezo” cara á súa causa e de ignorar as súas demandas. Tras as publicacións en redes sociais do concelleiro de Medio Ambiente, Javier Antelo, nas que minimizaba a protesta, os manifestantes reiteraron que a súa loita está baseada en defender os dereitos dos animais e no cumprimento da lei vixente, sen ningún interese político.

Nun comunicado, as promotoras da mobilización lamentan as declaracións de Antelo, quen afirmou que as manifestacións estaban “practicamente baleiras” e que as demandas non eran máis que unha “malinterpretación” da nova normativa. O colectivo denuncia que esta actitude “ridiculiza e ningunea” ás persoas que promoven a defensa dos animais, amosando falta de respecto e empatía.

Imaxes da manifestación do domingo publicadas no Facebook de Javier Antelo

Os veciños de Ames sinalan que, desde hai anos, están a sufragar de maneira particular os custes da atención ás colonias felinas, e que o que solicitan é o apoio do Concello para protexer os animais e as persoas que os coidan. Aseguran que existen fondos europeos, estatais e autonómicos destinados a este fin, e que a súa proposta non busca dilapidar recursos públicos.

Entre as principais reivindicacións presentadas figuran a creación dun servizo de lacería 24 horas, un rexistro das colonias felinas e das coidadoras, a aplicación do método CER (captura, esterilización e retorno) en todo o concello, e a implementación dun protocolo formal de recollida de animais abandonados. Tamén reclaman convenios con veterinarios locais, campañas de concienciación, e claridade sobre o uso dos fondos dispoñibles para o cumprimento da lei de benestar animal.

Por outra banda, o colectivo destaca que en Ames, cunha poboación de 32.000 habitantes, hai máis de 10.000 animais de compañía, segundo datos do INE, polo que consideran que o Concello debe asumir as súas responsabilidades nesta materia.

Finalmente, a veciñanza reitera o seu desexo de colaborar co departamento de benestar animal para traballar xuntos e facer de Ames un exemplo de protección animal.

ÚLTIMAS

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

Ames licita por 128.415 euros as obras de mellora da seguridade viaria en Covas

A Xunta de Goberno Local do Concello de Ames aprobou a licitación das obras...

Traballadoras da escola infantil Merlín de Bertamiráns protestan contra un despedimento e denuncian atrasos salariais

As traballadoras da escola infantil Merlín, situada en Bertamiráns, concentráronse este martes diante do...

Ames presenta un conto dos Bolechas ambientado na Carballeira dos Trasnos

O Concello de Ames presentou este martes na Escola Infantil Municipal O Bosque o...

LEAVE A REPLY

Please enter your comment!
Please enter your name here