InicioSANTIAGOAMESO Concello de Ames presenta a programación infantil co proxecto Apego para...

O Concello de Ames presenta a programación infantil co proxecto Apego para o outono

As actividades gratuítas incluirán xogos, contos, maxia e cinema en Bertamiráns e o Milladoiro desde setembro ata decembro

Publicado o

Xornal de Compostela

O Concello de Ames vén de dar a coñecer a programación infantil que se desenvolverá no marco do proxecto Apego durante os meses de setembro, outubro, novembro e decembro de 2024. A oferta inclúe unha ampla variedade de actividades gratuítas que van desde xogos e contos ata espectáculos musicais, teatrais, maxia e cinema. O obxectivo desta programación é proporcionar ás familias de Ames recursos para unha crianza positiva, natural e creativa.

A programación arranca esta semana coas ‘Brincadeiras miúdas’ de Cé Orquestra Pantasma e a cooperativa Miudiño, que terán lugar o mércores 4 de setembro no parque do Ameneiral de Bertamiráns e o xoves 5 na carballeira de Ventín, no Milladoiro. Estes eventos, que comezarán ás 18:00 horas, serán de balde e non precisan inscrición previa. As familias poderán disfrutar de música, xogos tradicionais e obradoiros de creación de xoguetes con materiais naturais.

A presentación da programación celebrouse no Pazo da Peregrina de Bertamiráns, coa presenza de Blas García, alcalde e concelleiro de Normalización Lingüística e Cultura, Raquel Barbeito, do Servizo de Normalización Lingüística, e María Vázquez, técnica de Cultura. Raquel Barbeito destacou que as “Brincadeiras miúdas” son unha oportunidade para que as crianzas desenvolvan a súa creatividade e autonomía, aproveitando a natureza como espazo de xogo.

Entre as actividades programadas para os próximos meses, cabe destacar a celebración do Festival de Maxia de Ames ‘Festimax’, que alcanzará a súa décimo novena edición a finais de outubro, así como o Festival Cinema Miúdo, que terá lugar en novembro nas Casas da Cultura do Milladoiro e de Bertamiráns. Ademais, en decembro, a programación culminará coa tradicional visita do Apalpador ao Pazo da Peregrina.

O alcalde Blas García subliñou que a deste segundo semestre é “unha programación moi variada, que inclúe tanto a artistas consolidados como a novas promesas, ademais de actividades xa consolidadas como o Cinema Miúdo e o Festival de Maxia“. Con esta programación, o Concello de Ames continúa a súa aposta por ofrecer actividades culturais e educativas que fomenten a participación das familias e o desenvolvemento integral das crianzas no municipio.

ÚLTIMAS

Rueda celebra o 90 aniversario do Aeródromo Militar de Santiago

O presidente da Xunta, Alfonso Rueda, participou este sábado na Xornada de portas abertas...

A Xunta e a USC pactan reformular o Máster en Matemáticas e retomar a súa oferta en 2026-27

A Xunta informou "favorablemente" a proposta do novo Máster en Matemáticas da Universidade de...

Atrasado o cobro da taxa turística para outubro tras a oposición da hostalaría a facelo en agosto

A taxa turística empezará a recadarse en Santiago, finalmente, a partir do 1 outubro...

O PSOE afea ao Goberno local non querer facer outro diagnóstico para a zona de vivenda tensionada

O PSdeG de Santiago afeou ao Goberno local que a súa "primeira resposta" á petición de...

O Concello de Ames celebra o Día do Orgullo LGBTIQ+ cun acto institucional, actividades e premio fotográfico

O Concello de Ames sumouse este sábado á celebración do Día Internacional do Orgullo...

Ames colabora na III Cea Solidaria para mellorar a atención pediátrica do CHUS

O Concello de Ames reafirmou o seu compromiso coa solidariedade e a sanidade pública...

Ames aproba de forma inicial a ordenanza para instaurar as cerimonias de ‘Benvida Social’

O Concello de Ames aprobou de forma inicial, na sesión plenaria deste xoves, a...

LEAVE A REPLY

Please enter your comment!
Please enter your name here