InicioSANTIAGOAMESAmes aproba en pleno o novo estudo de viabilidade para a construción...

Ames aproba en pleno o novo estudo de viabilidade para a construción do complexo deportivo do Milladoiro

A Corporación municipal tamén deu luz verde a varias iniciativas para mellorar infraestruturas e servizos

Publicado o

Xornal de Compostela

O Concello de Ames celebrou o seu pleno ordinario de xullo, no que a Corporación municipal aprobou diversas medidas e iniciativas de forma unánime. Entre os acordos adoptados destaca a fixación dos festivos locais para o ano 2025, que serán o xoves 29 de maio, día da Ascensión, e o martes 24 de xuño, día de San Xoán.

Ademais, o pleno tamén aprobou a concesión da medalla do Concello de Ames 2024 ao destacado deportista Borja Golán Santín. Este recoñecemento xa fora aprobado na Xunta de Voceiros o pasado 14 de xuño e foi entregado durante o acto do Día de Galicia celebrado o 23 de xullo.

Outra das decisións unánimes foi a solicitude de participación na segunda fase do POS+ Adicional 2/2024 da Deputación Provincial da Coruña. Este programa permitirá financiar melloras na Escola Municipal de Música de Ames, situada en Aldea Nova, cun orzamento de 254.166,82 euros.

O pleno tamén aprobou a modificación da base número 50 do orzamento municipal de 2024 para incluír unha subvención nominativa de 2.000 euros á entidade Solidariedade Internacional de Galicia. Esta subvención apoiarase o programa Galicia Abriga, que acolle temporalmente a mulleres defensoras de dereitos humanos en situación de risco.

En canto ás infraestruturas deportivas, a Corporación aprobou a cuarta prórroga da concesión administrativa da xestión e mantemento do Centro deportivo municipal A Telleira. Esta prórroga terá unha duración máxima de dous anos e a concesionaria, Serviocio Deporte Cultura e Recreación SL, deberá realizar un investimento de 128.958,67 euros en melloras.

Outro punto relevante foi a concesión de obra para a construción da instalación deportiva municipal do Milladoiro e a explotación do conxunto deportivo que se creará xunto ao centro municipal A Telleira de Bertamiráns. O novo estudo de viabilidade, elaborado pola consultora Dosvalor, estima un custo total de 7.330.839 euros debido ao aumento da inflación.

Durante a sesión tamén se abordou unha moción de urxencia sobre a modificación da ordenanza reguladora da taxa pola prestación dos servizos complementarios educativos e de conciliación da vida familiar e laboral. A proposta aprobada incrementará as cotas do servizo de comedor, lúdicos e escola de verán en torno a un 11%, adaptándose ao Índice de Prezos ao Consumo (IPC) previsto ata 2027.

No apartado das mocións políticas, o grupo municipal do BNG presentou dúas propostas: unha para crear o Consello de participación e transparencia e outra sobre a xestión das colonias felinas no rural de Ames. Ambas mocións foron rexeitadas. Pola súa banda, o grupo municipal popular propuxo medidas para combater o minifundismo en Ames, moción que foi aprobada coa maioría dos votos da Corporación.

ÚLTIMAS

Dimite a responsable de Protocolo de Santiago tras a polémica pola Medalla de Galicia á princesa

A responsable do departamento de Protocolo do Concello de Santiago presentou a súa dimisión,...

A taxa turística chegará finalmente a Santiago o vindeiro 1 de outubro

A taxa turística comezará a aplicarse en Santiago de Compostela o vindeiro 1 de...

O Concello de Santiago aproba un Plan Económico Financeiro ao incumprir a regra de gasto por 6,7 millóns de euros

O Concello de Santiago aprobou en pleno un Plan Económico Financeiro ao incumprir a regra de...

Felipe Dos Anjos reforza o xogo interior do Monbus Obradoiro para as dúas próximas tempadas

O Monbus Obradoiro anunciou a incorporación do pívot Felipe Dos Anjos para as dúas...

UCIN critica o atraso na posta en marcha da brigada de incendios municipal en Ames

O coordinador de UCIN Galicia e candidato á alcaldía de Ames, José Luis Calo,...

Vandalizan un cartel de apoio ao colectivo LGBTIQ+ en Ames e escriben ‘sida’ por encima del

Un cartel cunha mensaxe en apoio ao colectivo LGBTIQ+, situado no inicio do termo...

Ames activará en setembro un mercado de horta e artesanía para dinamizar a economía local

O Concello de Ames porá en marcha a partir de setembro un novo mercado...

LEAVE A REPLY

Please enter your comment!
Please enter your name here