A edición 2024 das ‘Noites en Vela’ celebrada na Ponte Maceira foi un éxito rotundo, a pesar das ameazas de choiva que non chegaron a deslucir o evento. Máis de 500 persoas congregáronse para gozar das actuacións do coro Son Elas e o grupo Lontreira, enmarcadas pola iluminación de máis de 1000 candelas ao longo do río Tambre.
O evento, que une aos concellos de Ames e Negreira dende 2016 e que só viu interrupcións durante a pandemia, celebrouse cunha das mellores afluencias recordadas pola organización. Tanto os alcaldes de Ames como de Negreira, destacaron o gran traballo do equipo técnico e a colaboración entre ambos concellos, resaltando o potencial futuro deste acto que combina tradición e innovación cultural.
Tras as vibrantes actuacións de Son Elas, un coro íntegramente feminino de Ames coñecido pola súa diversidade musical, e Lontreira, o grupo que fusiona distintos xéneros musicais dende a cumbia ata a música eléctrica, o evento culminou cun espectáculo pirotécnico. Como xa é tradicional, o alumeado público foi apagado para realzar a beleza das candelas que iluminaron a histórica Ponte Maceira, destacando a súa importancia como ben de interese cultural e un dos pobos máis bonitos de España.
