HomeSANTIAGOAMESO programa Apego presenta o espectáculo 'A nena e os tres osos'...

O programa Apego presenta o espectáculo ‘A nena e os tres osos’ en Milladoiro

A función de Migallas Teatro terá lugar o 31 de maio e está dirixida a nenos e nenas a partir de 2 anos

Publicado o

Por Xornal de Compostela

O programa Apego continúa neste mes de maio co espectáculo A nena e os tres osos, de Migallas Teatro, que se vai desenvolver na Casa da Cultura do Milladoiro o venres 31 de maio, ás 18:00 horas. Os/as interesados/as en anotarse poden facelo enviando un correo electrónico ao enderezo normalizacion@concellodeames.gal desde hoxe e ata o 30 de maio, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o primeiro semestre do 2024 pode consultarse premendo nesta ligazón.

Hoxe, 23 de maio, abre o prazo de inscrición para a actividade A nena e os tres osos da man de Bea Campos, de Migallas Teatro. Dirixido a nenos e nenas a partir de 2 anos, trátase dunha proposta teatral con monicreques e cancións baseada no coñecido conto clásico. Nesta historia, unha maleta pode ser unha casa, un caldeiro pode ser un asento, e unha presa de calcetíns poden ser unha familia de osos.

Esta actividade terá lugar na Casa da Cultura do Milladoiro o venres 31 de maio, ás 18:00 horas. Está dirixida a nenos e nenas a partir de 2 anos. É unha actividade de balde pero é preciso inscribirse canto antes.

As persoas interesadas en inscribirse só teñen que enviar un correo electrónico ao enderezo normalizacion@concellodeames.gal no que se indiquen nome e apelidos das persoas asistentes, teléfono de contacto e idade das crianzas que vaian participar. O prazo para anotarse está aberto dende hoxe ata o vindeiro 30 de maio. As prazas asignaranse respectando a orde de recepción das solicitudes, e non se admitirán inscricións fóra do período de inscricións.

V FESTA DO APEGO

O Concello de Ames, a través da Concellería de Normalización Lingüística, organiza a V Festa do Apego, que terá lugar o sábado, 25 de maio, no Pazo da Peregrina de Bertamiráns. Haberá maxia, contos con música, xogos, concertos, teatro de monicreques, obradoiros e moitas máis actividades. A entrada será libre, de balde e sen necesidade de inscrición previa. Premendo nesta ligazón pódese acceder á programación completa do evento.

Ao longo de todo o día haberá actividades que estarán abertas de xeito permanente, en horario de 11.00 a 14.30 e de 16.30 a 20.00 horas, no patio do Pazo da Peregrina. A través delas achegarase asesoramento personalizado ás familias sobre recursos lúdicos e formativos que poden ser útiles durante a crianza. Estas actividades son tamén espazos nos que as nenas e os nenos terán ao seu dispor xogos de mesa, materiais naturais non estruturados para promover a creatividade e o xogo libre, unha ampla variedade de obras infantís para mergullarse na lectura compartida, un obradoiro de creación de personaxes con pasta de papel e outro obradoiro de tatuaxes e chapas con Apego para que todas e todos leven un agasallo da Festa do Apego.

PROGRAMA APEGO COMO VEHÍCULO DE TRANSMISIÓN DA LINGUA

O programa Apego é un proxecto colaborativo no que participan varios concellos, entre os que se inclúe Ames, e que vai dirixido ás familias que estean a esperar un bebé ou que teñan crianzas entre 0 e 6 anos. O seu obxectivo é promover, apoiar e normalizar o uso do galego na socialización da primeira infancia, empregando distintas actividades e recursos.

As familias interesadas en sumarse á iniciativa poden facelo poñéndose en contacto co Servizo de Normalización Lingüística do Concello de Ames, escribindo un correo a normalizacion@concellodeames.gal ou chamando ao número de teléfono 662 377 215. Así mesmo, tamén poden facelo cubrindo o formulario “Súmate ao apego”, que está dispoñible na páxina web do programa, apego.gal.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Ames celebra o Día de Galicia cun homenaxe ao deportista Borja Golán

O Concello de Ames ten programado unha serie de actividades para celebrar o Día...

Ferida unha muller nun atropelo na confluencia entre Santiago de Chile e Frei Rosendo Salvado

Unha muller resultou ferida na mañá deste luns tras ser atropelada por un vehículo...

Maianas lanza ‘Fala de min!’, un novo álbum que mestura tradición e novas sonoridades

O grupo de cantareiras Maianas estrea o seu último álbum, Fala de min!, que...

LEAVE A REPLY

Please enter your comment!
Please enter your name here