O Hotel Costa Vella celebrará o próximo 19 de setembro o seu 25 aniversario cun evento privado na súa icónica terraza. Os propietarios do hotel, os irmáns José Antonio e Ana Liñares xunto con Roberto Sousa, queren agradecer o apoio recibido durante todos estes anos por parte de clientes, colaboradores e veciños.
Inaugurado en 1998, o Costa Vella marcou un antes e un despois no sector hoteleiro compostelán, ao introducir un modelo de hotel exclusivo e íntimo, centrado nun servizo de alta calidade. O hotel destaca por un volume reducido de habitacións e por buscar sempre a máxima satisfacción do cliente.
Situado no corazón da zona monumental de Santiago, o edificio combina a arquitectura tradicional coa elegancia, e o seu xardín, recoñecido pola súa beleza, alberga unha das terrazas máis apreciadas da cidade.
Ademais do Costa Vella, os propietarios tamén xestionan outros dous establecementos: o Hotel Moure, cun estilo contemporáneo e centrado no deseño e a tecnoloxía, e o Hotel Altair, que combina tradición e innovación baixo a filosofía xaponesa wabi-sabi.
