Un total de 2856 alumanos e alumnas se examinarán este martes, mércores e xoves das probas ABAU (Avaliación do Bacharelato para o Acceso á Universidade) na Universidade de Santiago de Compostela.

As probas darán comezo hoxe ás 10:00 da mañá en cada unha das facultades que acollen estes exames, coa proba de Lingua Galega e Literatura, que durará unha hora e media. Este é o primeiro ano que os aspirantes a acceder á Universidade comezarán pola proba de Lingua Galega en lugar de a de Lingua castelá. Esta estará seguida da proba da Primeira Lingua Estranxeira (que é inglés na maior parte dos casos. Así, a xornada continuará pola tarde ás 16:00, con varias probas de materias troncais como Matemáticas, Grego, Física, Xeografía ou Debuxo Técnico.

ÚLTIMA ABAU CON MODELO COVID

Esta ABAU de 2024 será a última en Galicia na que o estudantado se enfrentará ao coñecido como ‘modelo Covid’. Este modelo, que permite, entre outras flexibilidades, a contestación a preguntas procedentes de ambas opcións do exame (o exame está dividido en opción A e opción B). A nova ley de educación xunto coas últimas eleccións xerais de 2023 fixeron que este modelo de probar se fose alargando no tempo, aínda que inicialmente fose aprobado para os ano 2020, 2021 e 2022. Este modelo, que permite ao alumnado escoller algunas das preguntas, permite que se poida sacar un 10 nalgúns casos estudando só a metade da materia.