Cada nome e topónimo ten un significado e unha razón de ser. Neste caso, a aldea da parroquia de Sabugueira, a escasos 11 kilómetros de Compostela, denomínase Lavacolla. Pero, por que se lle chama deste xeito?
Existen diversas teorías que explican a orixe etimolóxica da denominación da aldea. A primeira delas refírese a unha época anterior ás peregrinacións cara a Catedral e di que Lavacolla é unha palabra composta que significa ‘pasto baixo da colina‘, xa que lava significa ‘pasto baixo’ e colla, ‘colina’.
A pesar diso, existen outras dúas teorías que están máis estendidas e son máis aceptadas pola poboación. Ambas fan referencia á hixiene das persoas que peregrinaban cara o templo santo da capital galega, que se paraban nesta parroquia antes de entrar na cidade e se lavaban no río que hoxe en día recibe o mesmo nome de Lavacolla.
En primeiro lugar, unha parte da xente di que o que lavaban os peregrinos era o pescozo ou ‘colleja‘ e por iso mesmo evoluiu ata chamarse do xeito que coñecemos hoxe en día. En cambio, outros moitos optan por unha teoría máis popular que di que o que lavaban os peregrinos no río eran os testículos ou collóns, e de ahí ven o topónimo de Lavacolla.
Este é só un exemplo de tantos de nomes de barrios ou parroquias santiaguesas que reciben un nome curioso e todos queremos coñecer a súa razón.
Ver esta publicación en Instagram
