HomeSANTIAGOO aumento de tráfico no Aeroporto de Santiago pon a proba a...

O aumento de tráfico no Aeroporto de Santiago pon a proba a súa capacidade e persoal

O traslado de rutas do Aeroporto de Vigo durante o seu peche leva a unha situación crítica en Santiago

Publicado o

Por David M. Sobrino Platas

O peche temporal do Aeroporto de Vigo por obras, desde o 6 ata o 30 de maio, provocou o traslado de numerosas rutas ao Aeroporto de Santiago-Rosalía de Castro, afectando a un total de 100.000 viaxeiros e 1.200 voos. Esta situación derivou nun incremento substancial do tráfico aéreo en Santiago, que xa en abril rexistrara un aumento do 10%, con 30.862 pasaxeiros máis comparado co mesmo período do ano anterior.

Segundo informa o Comité de Centro do Aeroporto de Santiago, anticipase que durante este mes de maio se superarán as cifras de agosto de 2023, cando se alcanzou o récord histórico de 402.745 pasaxeiros. Este crecemento continuo supón un desafío significativo para a infraestrutura aeroportuaria e o seu persoal, xa que as previsións para 2024 apuntan a que a capacidade máxima establecida en 2011, cando se inaugurou a nova terminal con un límite de 4 millóns de pasaxeiros anuais, podería ser alcanzada ou mesmo superada.

O persoal do Aeroporto de Santiago está a experimentar unha carga de traballo moi elevada, con reforzos puntuais que resultan insuficientes para cubrir todas as necesidades. Por exemplo, segundo informan dende o Comité de Centro, o servizo de enfermería, que contaba con seis efectivos que ofrecían cobertura 24 horas ao día na antiga terminal, agora só dispón de catro enfermeiros, deixando amplas franxas horarias sen servizo sanitario. Isto obriga a solicitar ambulancias do 061, incrementando o tempo de espera e o gasto en recursos públicos.

Dada esta situación, o Comité de Centro comunicou o seu total apoio aos traballadores afectados e anunciou que apoiará calquera tipo de mobilización que proteste pola elevada carga de traballo. Ademais, instan ao Grupo Aena a aumentar o cadro de persoal para adecuarlo ao incremento de actividade, co fin de mellorar a experiencia dos usuarios e manter a calidade dos servizos ofrecidos polo aeroporto.

ÚLTIMAS

Desaparecido en Santiago un home do 93 anos, usuario dunha residencia de maiores

O operativo de busca para localizar a Aser Núñez Pazos, un home de 93...

Proxectos galegos de FP destacan na convocatoria estatal de innovación

Os proxectos 'Posta en marcha virtual con xemelgo dixital' do Centro Integrado de FP...

O PP de Santiago propón eliminar altos cargos do BNG para investir en turismo sostible e políticas sociais

No Partido Popular de Santiago propuxo un cambio na estrutura do goberno local, liderado...

O BNG lanza a campaña ‘A Forza deste País’ para o Día da Patria Galega

O Bloque Nacionalista Galego presentou a súa campaña para o 25 de xullo, Día de...

O BNG lanza a campaña ‘A Forza deste País’ para o Día da Patria Galega

O Bloque Nacionalista Galego presentou a súa campaña para o 25 de xullo, Día de...

Sen luz no parque de Cancelas pola reparación do depósito de subministración de auga

O Concello de Santiago de Compostela avisou á cidadanía de que a rede de...

Ampliación das licenzas de taxi para a cidade si ou non? O 23 de xullo analizarase a proposta

A Comisión Especial de Transporte Público en Vehículos de Turismo (CEVT) do Consello Galego de...

LEAVE A REPLY

Please enter your comment!
Please enter your name here